Bégunu bá lɛ́ boɛ́nɔ naá gɛdɔŋɔ gá Kemelúne ba tɛ́mádɛ́má, naá gigísi gá cí gá Mbama. Bá lɔ́mɔ́ ndukíi naá Ombɛsa na naá Bogído. Nnyeedíi ba nogálɔ nábɔ́ a lɛ go bɛ́ɛmba Nugunu. Nugunu moatɛ́ na baaná báandɛ́ : nugúnu ná gɛmmoɛnáa na nugunu ná gɛmbádáa. 

Bégunu bá lɛ́ bɛgaaga bá boyogóní ntɛ́mɛ́ (kakáa, mbayáa na andɛá, áŋɔncɔ, mbasa, naá moóma gɔnɔ́ múncodío). Bá lɛ́ tɔ́nɔ na donyannyáma dá nnyaáŋgadɛ́ɛ bá amɔ́ bidúge (mbúnyi na bɛdómbáa, ŋgɔɔ́ na ŋgɔnɔbɛ́). Bégunu bá ŋanana tɔ́nɔ nyonyí.

Bonɔ̰́mɛ bá Bégunu bó lɔ́mɔ́ tɔ́nɔ caŋa na ndoŋá sá biisée bábɔ́, bá gɔ́mbɔ, bá maanana, bá lɛ́ tɔ́nɔ befegí ɛsagɔ na anamá yá ɛncɔɔnɔ.